टोकियो,जापान। जापानमा रहेका तामाङ समुदायले आज टोकियोमा विविध साँगीतिक कार्यक्रमका साथ २८५१ औं सोनाम ल्होछार मनाएका छन। नेपाल तामाङ समाज जापान केन्द्रिय समितिको आयोजनामा भएको ल्होछार कार्यक्रममा नेपालबाट आमन्त्रित कलाकारहरु लोक गायिका इन्दिरा गोले र युवा गायक तथा संगीतकार बिशाल काल्तानको साँगीतिक प्रस्तुतीमा दर्शकहरु रमाएका थिए।

टोकियो। गत वर्ष ट्रेनको लिगमा खसेकी जापानी युवतीलाई बचाएको कदर स्वरुप नेपाली युवक अनुजराज कार्कीलाई जापान सरकारले उच्च सम्मान प्रदान गरेको छ। जापान सरकारका तर्फबाट प्रधानमन्त्री सिन्जो आवेले शुक्रवार टोकियोमा एक बिशेष समारोहका बीच नेपाली युवा कार्कीलाई सम्मान गरेको हो

काठमाडौं, २५ माघ । नेपाल घुम्न झन्डै २० दिनअघि काठमाडौं आइपुगेका ५४ उत्तर कोरियाली सिन्धुपाल्चोकमा सुरुङ (टनेल) खन्दै गरेको अवस्थामा भेटिएका छन। कोरियालीहरुले अन्य पर्यटक जस्तो नेपालको बिकासमा सहयोग गर्न स्वयंसेवक भएर शुरुङ खनेका भने होईनन। ती उत्तर कोरियालीले हाइड्रो पावर कम्पनीका लागि सुरुङ खन्ने जिम्मेवारी लिएका ठेकेदारका श्रमिक भएर काम गरिरहेका हुन्। यीमध्ये अधिकांश उत्तर कोरियाली अवकाशप्राप्त सैनिक रहेको स्रोतको दाबी छ।

काठमाडौं, ८ पुस । नयाँ संविधान निर्माणमा दबाबस्वरूप विद्यार्थी संगठनले आज व्यंग्यात्मक शैलीमा ‘सुतिरहेका सभासद्लाई ब्युँझाएका’ छन् । उनीहरूले आज नयाँ संविधान निर्माण गर्न एक महिना मात्र बाँकी रहेको अवस्थामा व्यंग्यात्मक शैलीमा संविधानसभा भवन अगाडि त्यसप्रति खबरदारी गरेका हुन् । विद्यार्थीले सभासद्को अभिनय गरी सडकमा सुतेर बिगुल फुकी ब्युँझाएका थिए । १ देखि ६०१ नम्बरको सभासद् बनी उनीहरू सडकमा सुतेका थिए । करिब पाँच मिनेटसम्म ‘देश बिग्रँदै छ, संविधान नबन्ने खतरा छ, हामीसँग १ महिना मात्र समय बाँकी छ, बिउँझ’ भनी सभासद्लाई उठाएका थिए ।

अन्तर्राष्ट्रिय क्रिकेट काउन्सिल (आइसीसी)ले आइसीसी विश्व क्रिकेट लीग डिभिजन दुईको तालिका सार्वजनिक गरेको छ। माघ ३ गतेदेखि १४ गतेसम्म नामिबियामा हुने डिभिजन दुईको पहिलो खेलमा नेपाल युगाण्डासँग भिड्ने छ। कात्तिकमा मलेसियामा भएको डिभिजन तीनमा नेपालले युगाण्डालाई हराउँदै समूह विजेता भएको थियो।

नेयमारको २ गोल
२७ कात्तिक, काठमाडौं । नेयमारको दुई गोलको मदतमा ब्राजिलले मैत्रिपूर्ण फुटबलमा टर्कीलाई पराजित गरेको छ । बुधबार राति भएको खेलमा ब्राजिलले टर्कीलाई ४–० गोल अन्तरले पराजित गरेको हो । विश्वकप पछि ब्राजिलले खेलेको सबै खेल जितेको छ ।

थाइल्याण्डको बैंककमा अपहरणमा परेका नेपाली युवाहरुलाई बैंकक प्रहरीको सहयोगमा सकुसल उद्धार गरिएको छ । नेपाल प्रहरीको केन्द्रिय अनुसन्धान ब्यूरो (सीआईबी) र बैंकक प्रहरीको संयुक्त टोलीले उनीहरुलाई मुक्त गराएको हो। प्रहरी महानिरीक्षक उपेन्द्रकान्त अर्यालका अनुसार ८ पुसमा दुवै देशका प्रहरीले ३ जना नेपाली युवाहरुलाई अपहरण मुक्त गराएको हो । अपहरणमा पर्नेमा प्राध्यापक कृष्ण हाछेथुका छोरा पनि रहेका छन् । हाछेथुका अनुसार छोरालाई सकुसल उद्धार गरेको बैंकक प्रहरीले जानकारी दिएको छ । हाछेथुले भने, ‘‘घटनाको अन्य विवरण थाहा हुन सकेको छैन, त्यहाँका प्रहरी प्रमुखसँग कुरा भयो । अनि छोरासँग पनि कुरा गर्दा ठीक छु भनेको छ ।

युएई, कात्तिक २४– युएईको अबुधाबीमा एक नेपाली कामदारको मृत्यु भएको छ । आबुधाबी फुलिस फोर्समा अलएउनमा कार्यरत चितवनका दिपक अधिकारीको फुटबल खेल्नेक्रममा अकस्मात मृत्यु भएको हो । शनिबार कार्यरत कम्पनीकै क्लबमा फुटबल खेल्दाखेल्दै उनी एक्कासी मुर्छा परेका थिए । लगत्तै अस्पताल लैजादैं गर्दा बाटैमा उनको मृत्यु भएको थियो ।